616牛肉火鍋專門店 (白楊街) (已結業)

如果谂起专食牛既火锅店，第一下都会谂起616牛肉火锅专门店，因为佢地其中一个卖点就系牛肉既款式特别多，价钱又唔贵，所以都一直系我会encore既餐厅之一。今晚就过左黎深水埗呢间分店，门口有得泊车都算方便。616另外有样好出色既就系佢个溶岩沙嗲汤底，个汤底真系劲浓劲多料，煲左成晚都仲感受到浓烈既感觉，沙嗲爱好者真系必试。牛肉就叫左油脂味重既信州和牛肩胛，真系好好肥美入口即溶。苏格兰雪花胸肋都系偏向油脂味重，肩胛翼板同牛上肋就牛味比较重，建议真系要全部试下，餐厅都会有教d牛要煮几耐先至最好味，直接跟番就无问题了。另外除左牛肉都叫左其他野，毛肚好爽口，鸭血同扇贝都值得一试，油麦菜再加埋沙嗲汤底真系好正。另外都叫左一枝菊花桂圆露，清清地都好饮。