影片
更多
2018-05-18
172 浏览
今晚去左间牛肉专门店，餐厅环境别具特色，一入门口就见到部街机，客人可以坐系度打机呢！行入啲仲精致，好似返左六十年代，好有风味！但设备一啲都唔落后，佢哋落单系用ipad，环保又快捷！入面食物选择唔多，差唔多全部都系牛肉，但就将成只牛分到好仔细，每个部位都有简介，大家可以因应自己嘅口味而点！每碟价钱唔贵，由$48-68，而且份量刚好，可以点多几款一齐食～我地点左牛骨清汤，入面有粟米、白萝卜同几旧牛骨，汤头较清淡，唔会好油腻，之后再落牛肉，汤底就会变得较重牛味！牛肉方面，我地点左牛柳、三花腱、牛舌、熟板筋、封门柳、金花趾、牛驼峰。当中我个人觉得最正系熟板筋，睇佢黄黄白白咁，唔似平时台湾牛肉面𠮶啲卤牛筋，但味道口感一啲都唔输蚀！味道吸收左汤底嘅浓香，而口感非常软滑！软糯嘅牛筋真系超正，但煮牛筋需要一啲时间，建议一开始就放落去滚，煮得越来越软糯！第二爱系金花趾，食落其实系牛𦟌。我钟意筋够多，口感弹牙又爽脆！而牛肉较浓味嘅有牛柳、三花腱同封门柳，三款牛肉嘅脂肪比例都唔高，但牛味同口感相比之下，明显系封门柳较为优胜！牛柳食落肉味都OK，但就较另外两款鞋口。牛舌口感爽口弹牙，但我就麻麻地呢个部位，友人
但设备一啲都唔落后，佢哋落单系用ipad，环保又快捷！入面食物选择唔多，差唔多全部都系牛肉，但就将成只牛分到好仔细，每个部位都有简介，大家可以因应自己嘅口味而点！每碟价钱唔贵，由$48-68，而且份量刚好，可以点多几款一齐食～
我地点左牛骨清汤，入面有粟米、白萝卜同几旧牛骨，汤头较清淡，唔会好油腻，之后再落牛肉，汤底就会变得较重牛味！牛肉方面，我地点左牛柳、三花腱、牛舌、熟板筋、封门柳、金花趾、牛驼峰。
熟板筋
6 浏览
0 赞好
0 留言
金花趾
33 浏览
0 赞好
0 留言
而牛肉较浓味嘅有牛柳、三花腱同封门柳，三款牛肉嘅脂肪比例都唔高，但牛味同口感相比之下，明显系封门柳较为优胜！牛柳食落肉味都OK，但就较另外两款鞋口。
牛舌口感爽口弹牙，但我就麻麻地呢个部位，友人就好钟意咁食晒成碟！
牛驼峰肥瘦比例均匀，油香肉味都好突出，食落软滑唔鞋，味道口感应该比较大众化！
蔬菜点左比较特别嘅羽衣甘蓝($28)，身为超级食物嘅佢竟然出现系火锅店，当然点佢！可惜佢嘅口感偏粗鞋，唔系个个都钟意～不过滚耐啲就会淋啲好食啲！
仲有野菌拼盘($28)，入面有啡色嘅海鲜菇，肥美厚肉，口感爽脆，够特别！
最后不得不提，佢地环境比我感觉够干净卫生，客人食完张枱会抹得好干净，唔系随便扫两下就算！整体感觉唔错，牛肉爱好者可以一战！
张贴
