616牛肉火鍋專門店 (西菁街)

营业中

休息中

行过616牛肉火锅专门店好多次，每次都只系经过，今晚终于可以品尝到。因为已经订咗枱嘅关系，所以唔需要等可直接入座，坐底店员已递上西瓜作饭前果。店内环境都几寛倘，中间放咗一个调味料自助吧。就坐后先望望Menu，佢哋哋个Menu好方便，完全用哂Ipad，简单而清晰，㨂完㩒一㩒Send Order就可以。但系第一件事先选择汤底，因为佢哋牛肉种类繁多要啲时间消化一下，所以先叫汤底后叫食物，汤底有6种，我哋叫两个汤分别叫咗”鸳鸯沙牛汤底”同”牛杂汤底”。跟住开始拣牛肉，就咁望望墙上块版，我谂都有成30款以上不同牛嘅部位选择。咁我哋就叫咗以下嘅牛，封门柳、金花趾、脖仁、吊龙伴、双层肉、牛舌、牛柳、尾龙、题柄、牛驼峰、胸口膀、牛心、牛朴肉、黑栢叶，凉菜方面都叫咗一个冰麻牛试试。另外再叫啲金菇、响铃、油麦菜、唐山菜、稻庭乌冬等等。一落完Order后店员会放底一个沙漏（漏20分钟），话食物会喺20分钟内送到，迟咗到的话𠮶样食物免费，个人觉得呢样几有Gimmick。叫完就出去攞酱料，呢个自助吧最特别系有个秘制牛肉汁。整完后话口未完汤底及食物亦陆续送上，由Order到送到嚟都唔洗8分钟。当牛肉放到满哂张枱时