牛魔 (已結業)

近排疫情似乎受控，所以我都多左出街揾食，今日就黎左尖沙咀食牛魔，呢度供应嘅午市套餐定价$85-125，虽然好似贵左少少，但以尖沙咀黎讲，呢个环境再加上好嘅服务都算合理。午餐选择就有慢煮牛肋骨、烧酱汁牛肉、盐烧鲭鱼、亲子鸡肉丼、石锅饭等。慢煮牛肋骨套餐包括左有牛骨汤、白饭、三小碟、沙律同埋主菜，因为烹煮需时，所以落单后店员会先送上牛骨汤、三小碟以及沙律比我地食住先。牛骨汤味道浓郁，沙律菜新鲜，搭配胡麻酱一齐食非常开胃。三小碟有中华沙律、芽菜同埋小青瓜。烧酱汁牛肉套餐用铁板上，上枱嘅时候仲闻到好香嘅酱汁味，牛肉煎得啱啱好，肉质非常嫩滑，牛味香浓，送饭一流！而洋葱亦由于吸收左酱汁嘅味道，亦都非常惹味。同样烧酱汁牛肉套餐亦都有牛骨汤、三小碟、沙律。