616牛肉火鍋專門店

营业中

休息中

616好就好在每碟细细碟牛肉款式多每样都可以试下，不过其实试完都唔系好记得边款打边款牛肉色泽鲜红，睇落都几新鲜，不过如果食开牛颈脊或者和牛依啲脂肪比例多啲嘅牛肉会略嫌616嘅牛肉欠缺牛脂嘅油香。牛肉饺双并嘅麻辣饺都几辣下，渌得太耐仲会皮肉分离，建议大家渌熟就好快啲拎起，唔系啲麻辣汁就会漏晒出黎。个醉鸡卷都几好食，食到有香甜嘅酒味。炸鱼皮同响铃都系正常野，至少够松脆。4个人一人叫左1杯酒饮，尖沙咀依间616麦子特式系有好多种类嘅啤酒拣，都几有小麦香。依间都食过几次，虽然有book位，不过见到都唔算话好多人要等位。如果人少少的话黎依度打边炉几好，唔洗份份都大大碟惊食唔到啲乜。