YakiniKuu Japanese Bbq (已搬遷) 新店位置

四个女仔去试新野。个位置都几难揾，系九记牛腩隔离条楼梯下面既左手边。Order左4个$550既套餐，差唔多每个部位一块既牛肉，自己落手去烧！个炉吸油气几efficient,身上无油烟味。牛肉肥瘦分布好均匀，系高质素既肉。有一块系薄切长身既，烧十秒就食得，包住一啖日本珍珠米，太幸福了☺️☺️☺️每一道肉和沙律一碟一碟上，有些许似食法国餐既节奏。 最后仲有乌冬一客和甜品，饱到有点不能动弹。最后埋单位位$750，因为我地仲嗌左梅酒😍虽然烧炉上面有条抽气管阻住我地四个面对面倾计，但系我地四个一致觉得值得番黎！今次被安排左坐系最笃笃既位，每次叫野食加水都无人行过， 人手又唔够。