金園茶餐廳

营业中

休息中

沙嗲牛肉炒面 落单𠮶时以为自己睇错，见到个份量真系吓亲，食落去真系可以食得饱。呢个沙嗲牛肉炒面嘅沙嗲汁，同沙嗲牛肉面系完全唔同，食落去沙嗲味道当然冇汤面咁浓郁，无咁稠，不过都比起一般茶餐厅嘅沙嗲汁浓郁小小，入口有少少辣，可能对大家嚟讲先系啱啱好。牛肉都同沙嗲牛肉面唔同，比较似平时茶餐厅嘅滑牛肉，比较厚身，咬落去都唔韧，算腍，食落去牛肉味就唔算突出。炒面其实系干烧面底，咬落口脆卜卜，比起河粉更加夹沙嗲汁，好似食紧潮州𠮶啲脆面咁，整体酱汁同个面份量啱啱好，呢个价钱嘅牛肉冇得讲究。-🌟 有唔少人觉得食碗沙嗲牛肉面唔值得，我觉得考虑到佢打边炉汤底都，咁呢个沙嗲牛肉面，加上佢嘅火锅牛肉，价钱都有理据，不过如果你惊太咸太浓，咁好好运应该系香港最好食嘅沙嗲牛肉面。至于佢嘅炒面性价比就好高，因为有唔难食嘅牛肉，沙嗲汁都算浓，虽然冇沙嗲牛肉汤面咁浓，不过份量仲好慷慨，难怪受到沙嗲牛肉关注组嘅青睐。今次净系介绍佢嘅沙嗲牛肉面同埋炒面，下次介绍呢度嘅火锅，佢哋嘅火锅汤底仲可以外卖拎走返屋企。