影片
更多
2017-07-05
51 浏览
其实我有时都几钟意约朋友去isquare 食饭，贪佢痴住地铁站嘛除咗方便外，就算落雨都唔怕淋湿，呢吓最正！见呢排成日落雨，所以我最后又约咗朋友去isquare 食饭由于朋友系食肉兽，见呢间韩烧个样几靓仔，所以我地就冲咗入去！点完嘢食，店员就开始帮我地整炉边蛋啦！一共两款味，原味同泡菜味，我比较钟意食泡菜味，食落除咗特别有咬口外，仲辣辣地咁，唔错。除咗炉边蛋，我地仲加钱要埋个芝士粟米！拉丝效果超强单食或者配烧肉食都可以！之后就到主角牛上烤$288啦！食咗咁耐烧肉，都真系第一次见到有人可以将牛肉，砌到艺术品咁靓睇吓中间朵玫瑰，真系超有心机！呢盘牛上烤包含咗几款唔同肉类，有牛小排、肉眼、牛肩胛脊、腹胸肉同牛舌。由于我地平时比较少入厨房，店员见我地鸡手鸭脚咁，所以主动帮手成功打救咗我地！哈哈！呢粒牛肉粒超巨型，如果比我自己烧真系唔系好识烧由于太大粒，所以烧到一半嘅时候，店员会再将佢切片，再按我地要求烧到指定成熟度。油花丰腴，食落肉质软嫩，而且好重牛味，唔错！如果觉得单食单调，仲可以配埋生菜一齐食，食落无咁油腻外，口感都更加丰富。烧完肉，就可以烧蔬菜啦！呢啲都系份牛上烤包埋嘅，款式都几多。食咗咁
由于朋友系食肉兽，见呢间韩烧个样几靓仔，所以我地就冲咗入去！
点完嘢食，店员就开始帮我地整炉边蛋啦！一共两款味，原味同泡菜味，我比较钟意食泡菜味，食落除咗特别有咬口外，仲辣辣地咁，唔错。
除咗炉边蛋，我地仲加钱要埋个芝士粟米！拉丝效果超强单食或者配烧肉食都可以！
之后就到主角牛上烤$288啦！食咗咁耐烧肉，都真系第一次见到有人可以将牛肉，砌到艺术品咁靓睇吓中间朵玫瑰，真系超有心机！
呢盘牛上烤包含咗几款唔同肉类，有牛小排、肉眼、牛肩胛脊、腹胸肉同牛舌。
由于我地平时比较少入厨房，店员见我地鸡手鸭脚咁，所以主动帮手成功打救咗我地！哈哈！呢粒牛肉粒超巨型，如果比我自己烧真系唔系好识烧
由于太大粒，所以烧到一半嘅时候，店员会再将佢切片，再按我地要求烧到指定成熟度。
油花丰腴，食落肉质软嫩，而且好重牛味，唔错！
如果觉得单食单调，仲可以配埋生菜一齐食，食落无咁油腻外，口感都更加丰富。
烧完肉，就可以烧蔬菜啦！呢啲都系份牛上烤包埋嘅，款式都几多。食咗咁多肉，点都要食番啲菜～
食烧肉又点少得啤酒哩，呢到竟然有我最爱嘅apple cider , 真系估你唔到～钟意佢甜甜酸酸嘅感觉，配烧肉唔错
本来都饱，但见呢到啲甜品个样唔错，最后又忍唔住叫咗一份可可控$68！waffle 做得好食，外脆内软；不过我略嫌雪糕唔够甜，如果雪糕再甜啲就更好啦
通常食完烧肉都会一阵味，一番到屋企，阿妈已经估到我去咗边！今次番到屋企，阿妈竟然估唔到，证明呢到嘅通风设备都真系要赞
张贴
