滾得棧 (已結業)

好友推介左我好多次，依间牛肉好得，有机会一定要去试，所以早几日见佢地出左新汤底，一次过满足自己欲望。打边炉前先食本地龙虾刺身，肉质鲜甜爽弹，大家重可以叫餐厅安排将龙虾头整嘅泡饭，配埋脆米食，超暖胃。新汤底系麻辣小龙虾，里面有薯粉、青瓜、莲藕等，而且佢地小龙虾好得，平时我劲怕食嘅我都忍唔住，惹味到停唔到口。朋友劲推嘅招牌手切牛颈脊和香口牛眼根，油脂分布均匀，入口肉味劲浓，而牛眼根甚少系其他餐厅食到，同其他牛肉唔同，佢煮得越耐，肉质就越嫰。食麻辣食到咁上下，所以转左佢地另一款招牌汤底，就系潮式紫菜，未食饮下个汤都已经好有惊喜。打边炉边少得鲍鱼、炸午餐肉、脆鱼腩、虾胶炸油条、腐皮等。梅菜猪肉饺肴料十足。话左要一次过满足自己欲望，所以点埋生炒糯米饭，依个真系好掂，炒得劲干身，腊味劲靓劲足料，真系食到唔识个饱字点写。