影片
更多
2016-02-24
4624 浏览
唔讲你唔信，因工作关系，十多年前跑贵州山区跑咗好几年，省会贵阳市就到访唔多，大部分时间都只喺个落机上机嘅地方，真正要到嘅都喺偏远嘅内陆县，如六盆水、威宁、赫章……等等，咪话高铁啦，记得𠮶时连啲高速公路都未完善，真喺试过一早香港出发，上深圳坐机到贵阳，再转车入威宁、赫章，到达已喺晚上八、九点嘅事 。题外话讲多咗，今晚一支公嚟到十二味贵阳牛肉粉，想重温吓当年当地嘅牛肉粉。餐厅门面几光鲜，但实属小店格局，长形嘅铺位，厨房晌中间，将餐厅㓥开头尾两截，所以，地方显得颇为狭窄，座位亦唔多。装修方面，一切从简，但墙上挂有不少七彩牛头纸雕，几得意 。而小弟拣坐入面，头顶仲有个大招牌「Emma’s Noodle」，但又奇怪个招牌唔放晌出面呢！一入门口就喺收银兼落单位，落好单后，就等店员将牛肉粉送上。咁究竟店内有咩食，墙上嘅餐牌一眼睇晒，店内只卖牛肉粉，3款主打嘅牛肉粉包括清汤、红烧、红油，款款$56 ，另外，再有多款配料供选择，都喺啲牛乜牛物、豆干、卤蛋（$6-$18 / 款），。亦有一种叫全家福牛肉粉（$98），𩠌料大包围，不过，就由师傅配搭。餐厅属较自助，所以，唔收加一，餐枱上有齐餐具、酱油、
餐厅门面几光鲜，但实属小店格局，长形嘅铺位，厨房晌中间，将餐厅㓥开头尾两截，所以，地方显得颇为狭窄，座位亦唔多。装修方面，一切从简，但墙上挂有不少七彩牛头纸雕，几得意 。
而小弟拣坐入面，头顶仲有个大招牌「Emma’s Noodle」，但又奇怪个招牌唔放晌出面呢！
一入门口就喺收银兼落单位，落好单后，就等店员将牛肉粉送上。咁究竟店内有咩食，墙上嘅餐牌一眼睇晒，店内只卖牛肉粉，3款主打嘅牛肉粉包括清汤、红烧、红油，款款$56 ，另外，再有多款配料供选择，都喺啲牛乜牛物、豆干、卤蛋（$6-$18 / 款），。亦有一种叫全家福牛肉粉（$98），𩠌料大包围，不过，就由师傅配搭。
餐厅属较自助，所以，唔收加一，餐枱上有齐餐具、酱油、辣椒粉、花椒碎等等调味料，自己顾自己。
红烧牛肉粉 $56 外出天寒地冻，热气腾腾嘅牛肉粉送上，感觉特别温暖，粉内有红烧牛肉粒及牛展，小弟另外加牛肚（+$18）及豆干（+$6）。「粉」就喺我哋经常食嘅米线，入口滑溜，口感柔韧有咬口，兼且份量十足 ；汤底牛味浓香而不浊，味甜偏清，麻而不辣，据介绍，汤底以多种材料熬煮，浓香纷陈，亦喺精华所在，所以，饮多几啖再嗒真个味道 。
红烧牛肉粒很香，牛肚亦非常爽，豆腐干也很好吃，只是略嫌牛𦟌有点韧！
晌走廊尾见到一大埕一大埕自家泡嘅椰菜，而晌汤内就加入咗唔少泡椰菜碎，酸香爽脆，正好去一去油腻 。
再分享多少少当年今日，𠮶时晌贵州山区做嘢，冬天真喺好死冻，得几度甚至零下 ，一朝早整碗热辣辣嘅牛肉粉或羊肉粉，喺简单而最叫人提起劲嘅早餐 。仲记得当地人就咁将枱上嘅生蒜搣开放入汤，小弟就唔喺好敢喇！
小弟食嘢都甚少追求正唔正宗，觉得好味就可以喇，反正，味道都喺一门创作，正宗有正宗嘅好，创新又有创新嘅好。唔知佢哋迟啲会唔会加入一啲贵州嘅地道特色小食呢？喺就更具可观性！
张贴
