生記粥品專家

营业中

休息中

男友同我都觉得唔舒服，冇乜胃口，只可以食粥，于是系星期六下午黎呢度试下。蔡生之前系电视度介绍呢间铺头D粥系一早就煲，粥底好绵，系咪咁劲先？一入到去，D侍应当我冇到，一D招呼都冇，各有各倾偈。算!想叫鱼腩粥，点知卖完㖞!! ok，叫左鲮鱼球鸡粥。碗粥好甜，鲮鱼都唔错，弹牙，都几大粒，亦有鲮鱼香味，唔腥，D鸡好正，有用酒腌，好香，D鸡唔似雪藏货，几实正！加上点少少豉油，冇胃口都开胃!! 牛肉粥好多料，啖啖都有牛肉！牛肉好滑，但牛味唔太浓。粥底吸哂牛肉鲜味，好正好甜！但我就觉得粥底比较稀，唔多米，如果杰少少就仲正！p.s.: 食到一半又有番鱼腩，如果想食鱼腩粥，可以等一等，或者问下会唔会再出。