東海粥店

营业中

休息中

呢排喺伊利沙伯医院有嘢做，所以成日经过佐敦𠮶边，我发觉佐敦都几多号嘢食，呢间系其中一间，门面感觉好似普通嘅粥店，但系有几款食品，比好多出边嘅店舖做得出色钟意食粥一定啱，佢个粥底煮得好绵，而且材料都几入味👍呢个真系超级推介，比好多酒楼都更好食，肠粉皮唔算太薄，但系入口非常软滑，最紧要系佢个牛肉非常有牛味，每次嚟都一定叫佢仲有一款萝卜糕，今日可惜食唔到，因为卖晒，非常有萝卜味，而且落嘅面粉唔多，纯粹靠萝卜嘅香味去支撑，真材实料整体来讲呢间店舖，价钱大众化，而且食物高质，非常推荐👍👍