韓家韓國料理 (已結業)

中午两大一小，大约12点15分到，当时未需要等位，只见韩家已开始整紧Panda嘅外卖。坐低后点咗两份午餐（牛肉饭，粉丝），跟餐点两种味道嘅炸鸡。牛肉饭：牛肉比较鲜美，个汁甜甜地，有埋锅蛋，保持肉质唔干身。如果配料多D可以高分D，个人俾85分。炸鸡：炸完仲有肉汁，鸡皮亦都够脆。蜜糖芝士味够浓郁，个人比较钟意（90分）。另一种原味都可以，但都系蜜糖正D。粉丝：口感、层次感一般，不过不失。环境：枱与枱之间位置都够阔，长嘅枱有四人一隔板。灯光够光，枱面唔油。枱面有免洗搓手液提供，员工有戴好口罩，有提醒所有客人量体温同埋做纪录，整体比较放心。下次应该会试下海鲜饼同埋拌饭。抱歉唔记得影相，只影咗餐牌。