日喜樓 (已結業)

之前一直想食日喜楼鼎鼎大名嘅百碟宴，但今次得两个人，所以择日再战，今次试下其他菜式先。日喜楼位于basement，楼低高，面积大，装修无乜特别但座位十分宽阔，我地坐系梳化位特别舒服。餐单系ipad入面，与时并进。一开始叫左碗阳春面，大大碗非常简单，旁边有大量翡翠苗。四喜临门系四种味道嘅小笼包，包括原味、蒜香、九层塔同茴香。整体小笼包皮薄幼滑，蒜香同九层塔最啱我口味。见到电子餐单推介宋嫂鱼羹，当然唔执输叫一碗试试。鱼羹非常足料，内含笋丝，冬菇丝等等，口感丰富，整体味道酸酸辣辣，够晒开胃，作为第二道上菜非常合适。爆汁牛肉馅饼果然名不虚传。外皮香脆，作为馅料既牛肉非常多汁，一咬开果下啲肉汁喷出黎。女友最钟意食酸菜鱼，所以叫咗酸菜斑片俾女朋友，每一片啖啖肉冇咩鱼骨，汤底既辣度同酸度非常平衡，配材亦有冬菇、鸿喜菇同埋薯粉，略嫌班片唔够酸辣。日喜楼近日出左推广，以优惠价$159叫半只北京填鸭加12件薄饼。薄饼口感烟韧，鸭肉嫩滑，油脂味香但唔觉太腻。鸭肉连埋大葱丝、青瓜丝、甜面酱，用薄饼夹埋一齐食。下次再嚟将会系我食百碟宴嘅时候。