古早牛肉麵 (已結業)

餐厅装修几有台湾旧式既感觉，食物同埋饮品既价位都算实惠。半筋半肉牛肉面，汤底几够味，牛展厚身，牛筋几乎入口即化。面质几好，唔会过硬或者过软，我个人黎讲都几钟意呢种质感。长条萝卜，软，但唔算太入味。芝士手抓饼就令人比较失望，个蛋浆好唔均匀，一啲位无，一啲位蛋黄，一啲位得蛋白，入面夹住大量椰菜椰菜椰菜，芝士好少好少，完全无拉丝，手抓饼索价近四十完全唔值，唯一可取之处只系饼皮算脆。炸花枝丸尚可，炸得刚好，有墨鱼味。乌梅芦荟绿茶做得唔错，好有乌梅味，芦荟份量足，茶底就普通正正常常咁。柠檬爱玉唔错，始终唔系度度有爱玉，柠檬味唔算太重，应该无落真既柠檬。