影片
更多
2023-03-23
196 浏览
赞咗先啦,牛肋条好软腍好入味,用外卖胶匙羹都可以整得开旧肉,份量充足,有三大件,饭量适中有椰菜丝&栗米粒,配烧汁偏咸,可以点少啲汁,不建议捞饭。另外,唔知店员系咪老板同老板娘,服务态度都好好,对住so call 西客都冇带情绪讲嘢,友善沟通嘅,有希望处理事情嘅心态。不过盒饭都得来不易新开张咁耐都未试过帮衬路过买外卖返屋企食见到(E3红酒牛肋条饭)好似好正,价钱亦唔算贵,就谂住试试佢,嗌完比咗钱都行咗大概10分钟先返去拎外卖,返到去时已经准备好有得拎。点知返到屋企打开袋已经见到肉嘅份量好细,喺外卖盒分装𩠌嘅一格只有见到一块嘢。结果打开睇真啲块嘢表面好黑好硬,原来系3条骨嚟,我用屋企嘅铁匙羹都锄唔开佢,唯有试下直接放入口咬……濑嘢……好硬好似牛肉干,真系好似冇肉咁。坦白讲完全唔知系咩嚟…原谅我孤陋寡闻,我真系唔识食,爬咗几啖烧汁捞饭,愈谂愈唔对路,都系直接拎盒饭返去问算啦,换又好,退钱又好,反正都唔够10分钟路程。去到舖头,都系𠮶位店员定老板娘,咁啱厨房店员定老板都出咗嚟倾计,我好直接话啱啱嚟买咗盒饭,有啲问题,盒饭好核突,我同咬过,问佢哋想唔想打开睇下,佢哋话ok我咪打开,厨师哥哥见到
赞咗先啦,牛肋条好软腍好入味,用外卖胶匙羹都可以整得开旧肉,份量充足,有三大件,饭量适中有椰菜丝&栗米粒,配烧汁偏咸,可以点少啲汁,不建议捞饭。
另外,唔知店员系咪老板同老板娘,服务态度都好好,对住so call 西客都冇带情绪讲嘢,友善沟通嘅,有希望处理事情嘅心态。
牛肋条 ?
7 浏览
0 赞好
0 留言
不过盒饭都得来不易
新开张咁耐都未试过帮衬
路过买外卖返屋企食
见到(E3红酒牛肋条饭)好似好正,价钱亦唔算贵,就谂住试试佢,嗌完比咗钱都行咗大概10分钟先返去拎外卖,返到去时已经准备好有得拎。点知返到屋企打开袋已经见到肉嘅份量好细,喺外卖盒分装𩠌嘅一格只有见到一块嘢。结果打开睇真啲块嘢表面好黑好硬,原来系3条骨嚟,我用屋企嘅铁匙羹都锄唔开佢,唯有试下直接放入口咬……濑嘢……好硬好似牛肉干,真系好似冇肉咁。
牛肋骨 ?
8 浏览
0 赞好
0 留言
坦白讲完全唔知系咩嚟…
原谅我孤陋寡闻,我真系唔识食,爬咗几啖烧汁捞饭,愈谂愈唔对路,都系直接拎盒饭返去问算啦,换又好,退钱又好,反正都唔够10分钟路程。
去到舖头,都系𠮶位店员定老板娘,咁啱厨房店员定老板都出咗嚟倾计,我好直接话啱啱嚟买咗盒饭,有啲问题,盒饭好核突,我同咬过,问佢哋想唔想打开睇下,佢哋话ok我咪打开,厨师哥哥见到以为系饭有问题(应该听错咗,话可能系咁啱喺饭煲底所以硬咗少少。
硬唔系问题,始终都整好咗有半个钟,会变硬,定型都正常,唔系店家问题
不过都唔系重点,重点系啲肉
我话啲饭冇事系啲肉好硬,食唔到(其实基本上冇肉…
厨房哥哥话:有可能系啲筋位会硬啲(我唔知啦,我见解应该唔系,欢迎指点
店员姐姐都好快反应话:一系你拣过另一款,呢盒我帮你扔咗去
问佢一系退钱啦
姐姐冇退钱就唔得喇
我都已经比唔到反应佢…当下听到可能系啲筋所以硬啲其实呆咗,望住个餐牌都唔系几谂到嘢,店员姐姐都好人建议我试下吉列猪扒。
我行开咗话谂下先
厨房哥哥都入返去
最后决定叫佢整返一样嘅(E3红酒牛肋条饭),比次机会你,就睇下你系咪再一次都系咁硬咁干,如果真系一样冇分别,咁我认系我onX我唔识食,我食晒佢。
问佢:系咪再整一次都会系啱啱咁
店员姐姐:有机会会
咁ok冇问题,就要返个一样嘅
应该都等唔够10分钟已经有得拎
攞完双方都冇对话
我就即刻打开睇下你咩料先
见到几旧好靓有肉嘅肉
完
我唔知我嗌嘅(E3)系牛肋骨定牛肋条
唔知我第一次拎到嘅系牛肋骨定牛肋条
唔知我第二次拎到嘅系牛肋骨定牛肋条
总括嚟讲系好食嘅（第二次攞到嘅饭）
睇其他食评蛋包饭都好靓仔
不过自己冇试过
但系就唔建议嗌E3
或者都可以试下嘅,应该系50 50 机会
系我第一次/第二次拎到嘅牛肋骨定条 ?
张贴
