海記魚蛋粥麵

营业中

休息中

今日专程去咗海记鱼蛋粉面食佢哋出名嘅招牌牛肚，艇仔粥加油条，墨鱼丸面配蚝油菜心，仲有一个常餐，拣咗鲜茄南瓜牛肉通粉加牛油多士，同埋火腿奄列。 鲜茄南瓜牛肉通粉𠮶个南瓜蕃茄汤底好浓，好多南瓜味，食依个通粉可以饮埋个汤底当汤饮， 牛油多士系厚多士，个火腿奄列入面亦都包咗好多火腿，唔系普通茶餐厅三啖食晒嘅奄列分量。 墨鱼丸面个墨鱼超弹牙，有四粒，每粒都超大有好新鲜嘅墨鱼味， 配埋个蚝油菜心 食一流。 而艇仔粥加油条一定要讲，个艇仔粥入面超多料同埋超大碗，有猪皮、花生、碎牛肉、鱿鱼、咸瘦肉等等， 油条又系热炙炙，如果。天气冻嘅时候食佢哋嘅粥品加油条真系暖上心头。 招牌牛肚 一定要食，𠮶个牛肚好入味，配上浓郁腩汁，仲有生菜喺底，不能不试，而且每条牛肚嘅大细都切得好均匀，又冧又弹牙，下次嚟我一定会再食过牛肚。