意情濃

营业中

休息中

呢间小店唔算隐世，但行过路过真系好易会错过，舖仔细细，室外都有几个位，成日都会有几个人喺门口等，一直想试好耐，因为睇网上评价不错，款式算多，一定有啱心水。牛脷香辣惹味酱炒意粉（$58）呢度嘅牛脷真系世界级！三大块厚切牛脷，觉得佢只系用少少盐嚟煎但相当香口，意粉几干身，呢个香辣惹味酱又几夹啲意粉同牛脷，份量好多，一个人食都几饱。煎鸡扒鲜果鸡蛋沙律（$55）鸡扒煎到金黄色，香脆可口，又系大大块，但都系觉得牛脷正啲，鲜果蛋沙律清清地，唔会太饱肚，可以中和返食咁大块肉嘅腻，哈哈！