生記清湯牛腩麵

营业中

休息中

有次Lunch Time時間經過呢度，見到入面坐滿哂人，朋友想試下，就叫左個外賣，買左呢度嘅牛腩，牛肚，蘿蔔淨食，我都試左舊牛腩，係煮到好林同好有牛味嘅。今日自己一個行過上環附近，我醒起呢間嘢，就自己走入去試吓，今次就失望而回啦。叫咗個清湯牛腩牛肚淨食，牛腩好唔掂，好多肥膏，好失望，牛肚就正常嘅，清湯就普普通通咁，下次唔會再為咗佢啲牛腩返嚟。不過可以再嚟嘅原因係因為見到隔籬位食豬膶粥，好似幾好食同給足料，下次有機會試吓。