生記清湯牛腩麵

营业中

休息中

有次Lunch Time时间经过呢度，见到入面坐满哂人，朋友想试下，就叫左个外卖，买左呢度嘅牛腩，牛肚，萝卜净食，我都试左旧牛腩，系煮到好林同好有牛味嘅。今日自己一个行过上环附近，我醒起呢间嘢，就自己走入去试吓，今次就失望而回啦。叫咗个清汤牛腩牛肚净食，牛腩好唔掂，好多肥膏，好失望，牛肚就正常嘅，清汤就普普通通咁，下次唔会再为咗佢啲牛腩返嚟。不过可以再嚟嘅原因系因为见到隔篱位食猪膶粥，好似几好食同给足料，下次有机会试吓。