牛屋潮式粉麵 (已結業)

同事推介火炭有间食牛都唔差，咁就去试下啦。见到有牛屋放咗上嚟，终于可以分享吓个人感受。虽然招牌系牛什，但系我钟意食牛腩，所以就叫咗个牛腩饭。佢做得几好嘅系𩠌同埋饭系分开上，可以饮汤之余又可以爬啖饭，而且牛腩唔韧之余又唔痴牙，可见大厨落咗一定嘅功夫，同埋肉又多可以话系大件夹抵食。推介加埋佢只特制辣椒油落汤到，食得辣嘅朋友可以试下加，都唔差，几好味。至于鱼皮方面，有咬口得嚟又够硬，唔会话一咬就碎晒，而且份量都唔少。至于午市时间，因为隔离系学校，所以一到午市就会有好多学生嚟食，而店内空间有限，有些少逼，但系环境都唔差嘅。同埋店员服务态度好。总然之，都几推介大家嚟食牛屋，真系几抵食。