牛芳百世 (已結業)

咁啱同事都出哂差，一于傻傻地出去试吓。中午左右去到，基本上唔使等位。但系咁早就冇坑腩，得崩砂同爽腩，我叫完爽腩饭冇耐就连崩砂都冇埋，有冇咁好卖呀，啲枱都未坐满吖？系咪唔想做午市呢吓？爽腩饭嚟到，饭同腩分开上。碗腩好似几人大碗，但其实大部份系垫底萝卜。汤闻落几香，饮啖，唔太咸，唔错。萝卜几稔同清甜，虽然有啲渣，不过可以接受。爽腩的确几好，稔，香，鲜。单以牛腩计系 OK 抵食。最失败竟然系碟白饭 - 硬到以为系冷饭！𡁻咗几啖，都顶唔顺，倒佢落碗爽腩变汤饭至食得哂！扣四十分起码！