九記牛腩

营业中

休息中

小店细细地，但都坐到好多枱，所以会迫d，但有面档气氛，疫情少游客，所以好快排完队入座，同时大多数食客都系熟客，大家都好快食完好快离座。我都遇左搭枱，但无谂住系角位张枱都要坐5个人，真系食唔到，大家手撞手，好彩有2位突然离座，最后4个人一枱，我都快快食完离座，免得阻住下一位，食到有少少压力。上汤牛腩米粉 $60虽然碗仔细细，但份量都够，牛腩有5-6件，入口松化够腍，唔痴牙，牛味都重，可谓当日2pm 卖哂河粉，只好拣米粉，都吸到上汤同牛味，但个人觉得牛腩河夹d，上汤浓而不油，微咸鲜甜带牛味，好饮过捞粗个碗汤。蚝油牛腩捞粗面 $86牛腩都有5-6件，味道一样咁好，但捞面的汤太咸，反而上汤面的汤更好饮且不咸，捞面唔会好干，加蚝油捞来食，初头味道都几好，但好快越食越咸，饮汤更加咸，最尾个d粗面食落去，直头咸到苦，已经慢慢捞少少蚝油，唔系一次过捞哂。最后太咸，用友人d上汤洗洗d菜先食，救反个味蕾。