新花清湯腩餃子專門店

营业中

休息中

睇fb有人介绍过新花，话支持小店，经开佐敦行过嚟试下；店舖虽小，食物质素却不错。牛腩河，汤非常清甜，牛腩有咬口重牛味，牛腩炆得唔系好淋，但绝对系好食既，返而要咀嚼多几下，食得到肉既原味，萝卜应该系分开煮既都好食。马蹄香茜芹菜猪肉饺，即包即渌，马蹄芹菜爽，芫茜味香，猪肉味平衡，皮薄，食完一d都唔口渴，啖汤略嫌淡少少，不过呢个亦都系佢既卖点；相比过往食过葛菜生鱼汤饺子既店，我觉得佢系做得更好，因为有d少店为左要特显佢既汤同饺子既味道，味精会落得比较重手，呢度饺子既调味非常出色。咁岩睇住两个阿姐系度包紧，自家制有水准。$43有9只，抵食。如果要午餐好似仲平d。辣菜脯同另一款菜脯碎亦都好惹味，辣味出色，相比之下辣椒油好普通；见到隔离枱嗌牛三宝汤饭，亦非常吸引。店舖偏细，食完要即走，因为近饭市时间开始旺，所以外卖不失为一个好选择。