PM Fusion Cafe (裝修中)

上星期老细话做埋手上D野跟住同佢食下午茶，咁即系明示、暗示话客户急要资料。完成工作刚好三点钟，老细带我过对面一间日式餐厅pm fusion cafe食野。下午茶选择不多，想同老细讲转场时，服务员话午餐可以再平$20.00。咁我就叫咗碗牛舌丼及湖水蓝特饮。老细就叫咗个咖哩饭及普通饮品。等咗几分钟就有得食。一碗丼6片牛舌，中间仲有一粒温泉蛋，即时想起老婆，牛舌是她的至爱。回归现实，热辣辣的牛舌放入口，味蕾即时感受到又软又滑的牛舌，D饭亦吾差，不过看价钱已知不是日本入口货🤔🤔。白饭已清，当我准备食埋余下的一片牛舌时，客户来电问长问短，老细同枱望住我，当然使出毕生功力回应客户，对方亦满意答覆。继续完成余下的工作，打错，亦食埋最后一片牛舌。可能放得太耐，凉咗有啲韧。吾理照扣分。仲有杯咩湖水蓝，英文却叫sky blue，少少九唔搭八。不过呢个唔系重点，最紧要杯嘢饮得就可以。话系乳酸饮品，个人感觉乳酸味不足，但影相打卡一流。下次带埋老婆来试多次。补充：问咗服务员，佢话系日本品种中国种植，只有批发冇得零售。