肚餓了串燒烤焗專門店 (已結業)

又同friend去尖咀揾食，今次嚟到亚士厘道一间楼上串烧店食好西～订咗枱八点半钟，所以唔需要等直接入去坐低嗌嘢食啦～ 虽然系楼上串烧，但系相信个通风系统做得几好入到去完全唔觉得有油烟味！饮品我哋净系叫咗一罐coke Zero同一罐加多宝姐～ 本身都有打算嗌佢哋嘅手工啤嘅，不过大家都肚饿所以宁愿要多几吋串烧食好过😝以下几款我觉得好值得推介！盐烧牛舌 - 餐厅选用嘅系厚切嘅牛舌粒，咬开见肉质依然系好粉嫩，食落爽口弹牙！烧鸡脾菇 - 烧鸡髀菇最忌烧得太干柴，呢间餐厅绝对冇呢个问题，鸡髀菇仍然保留住大量水份，配合埋烧汁同埋孜然粉，好正～劲辣饺子鸡翼 - 果然系劲辣，食得非常过瘾，鸡翼入边酿左分量十足嘅辣味明太子，再加上鸡翼去骨，所以非常之满足！最后要推介嘅系珍宝帆立贝（两粒）- 果然系jumbo size, 超大粒！烧得啱啱好唔会过老，所以食落系保持到帆立贝嘅鲜味同肉汁👍🏻