和幸吧 (已結業)

晚晚OT食龙肉都无味，太夜食又怕肥。 见第二日红假唔使返，挨到930，终于同个同事食我地是日唔知算唔算宵夜既晚餐。我地唔系叫左好多野食，反而每人饮左两大杯生啤， 食物只系配角 ，爽呀!!!!!! 都系讲返食，我地先食白果，真系食得既白果，原来白果叫银杏依家先知，咸咸地𩠌酒都唔错。肉都有，叫左个厚切牛舌，佢有个系连汁一碗上(见隔离台食紧)，我地叫左原味，咩汁都冇斋肉。咬落去，冇失望，又系爽呀!!!!!! 爽得黎仲有肉汁，Encore左一次。另一个肉就叫左澳洲和牛小排肉，估唔到咁多雪花纹，我谂贵在都系呢D雪花喇。试过烧一块熟D，一块冇咁熟，结果都系生D好食D。真系前后烧几下就可以入口，会有溶溶地既感觉好正。其实仲叫左个原只鱿鱼，都系𩠌酒野，可能终于比较钟意食泰式 / 越式烧法，呢个唔算话好特别。