牛舞日本燒肉‧涮涮鍋放題 (1亞太中心) (已結業)

呢度咩都系任食，前菜都唔马虎，依个烧吞拿鱼沙律就好足料，啲吞拿鱼好大块，烧到𠮶边外脆内软，所以好软腍，肉质好好，啲沙律菜又够新鲜，系好开胃嘅前菜🤓🤓呢度仲有其他海鲜任点，好似鲭鱼柳就好唔错，鱼柳好大嚿，好新鲜，鱼肉系鲜嫩嘅，烧完出嚟好香之余啲鱼油又出埋嚟，成旧都好好食😋😋而呢度烧肉既重点就系牛舞拼盘，呢个拼盘真系超班，有唔同既萨摩和牛部位去试，每一款都既霜降花纹都好靓，好肥美，一烧就烧晒啲油花出黎，尤其系啲和牛粒，烧完都仲好腍身，好有肉汁添，成个拼盘都好正呀🥰🥰而且呢度仲可以打边炉添，汤底既黑松露牛骨汤好香，有啲杂菌，真系好香黑松露味，而材料既菇、丸、瓜、肠仔、蟹柳都样样好味，够晒爽口弹牙，估唔到打边炉都咁正😎😎