影片
更多
2011-02-08
32 浏览
九龙湾德福嘅牛角排长龙排到发癫，只在门外睇过餐牌，得知有咩食及餐厅定位便离开，而且心入面亦无急于尝试冲动，试唔试到都系随缘。近日午饭时间经过尖沙咀LCX分店，虽然门前未至冷冷清清，但见到只系小猫三四只在轮候，决定把握呢个千载难逢机会，亲尝呢间人气烧肉店！门外等位约十多分钟就可以安排入座，相比九龙湾店系绝对不可能发生的事。在排队期间，上网睇返其他食友有咩推介，坐低二话不说即落柯打，可惜无铜锣烧，烤泡芙都无，两个Signature甜品都无之下，决定要即场改攻略，补叫一个牛角冷面，点知又无，仲要系柯打后事隔一段时间先至话无，心情再三受打击，令我未食先要扣分，加上侍应反应有点迟缓，未熟悉餐厅运作流程，呢几方面似乎要好好注意一下...最后决定要三份午市定食，再加其他小食。定食包括一份肉，白饭一碗，前菜，汤及餐饮。价钱方面，一份午餐由五十几至九十几不等，以日本品牌来计算系相当便宜，而相比其他香港同类食肆，牛角应该系最平嘅选择。先送上来嘅系王样豆腐($39)，餐牌上呢个冷豆腐由12种唔同嘅酱汁组成，上面再加一只生鸡蛋，卖相算吸引，除左试到辣味噌之外，完全试唔到系咩味，不过微辣滑溜嘅冷豆腐，加上蛋浆的
门外等位约十多分钟就可以安排入座，相比九龙湾店系绝对不可能发生的事。在排队期间，上网睇返其他食友有咩推介，坐低二话不说即落柯打，可惜无铜锣烧，烤泡芙都无，两个Signature甜品都无之下，决定要即场改攻略，补叫一个牛角冷面，点知又无，仲要系柯打后事隔一段时间先至话无，心情再三受打击，令我未食先要扣分，加上侍应反应有点迟缓，未熟悉餐厅运作流程，呢几方面似乎要好好注意一下...最后决定要三份午市定食，再加其他小食。定食包括一份肉，白饭一碗，前菜，汤及餐饮。价钱方面，一份午餐由五十几至九十几不等，以日本品牌来计算系相当便宜，而相比其他香港同类食肆，牛角应该系最平嘅选择。
先送上来嘅系王样豆腐($39)，餐牌上呢个冷豆腐由12种唔同嘅酱汁组成，上面再加一只生鸡蛋，卖相算吸引，除左试到辣味噌之外，完全试唔到系咩味，不过微辣滑溜嘅冷豆腐，加上蛋浆的确系不败的滋味！
第一份来嘅定食就系牛肋肉配烧肉汁($59)，我地以餐牌上提供嘅烧法作参考，每边只烧一次就放入口。肉身唔系厚切，雪花纹亦唔算均匀，但食落牛味甚浓，亦无干靱感觉，味道唔错。牛肉本身在午市定食应该唔会提供最好嘅级数，幸好有出色嘅烧肉汁弥补，应记一功。将烧好嘅牛肋肉，放上白饭面一齐夹黎食，令人相当满足，个中滋味难用笔墨形容，大家下次记住试下。
另一份定食系牛舌配腹胸肉配盐酱($79)，牛舌较薄身，今次跟足指示，略烧一阵就食得，不过咬落稍嫌有点韧，感觉一般。腹胸肉相对较好，味道丰腴，有油脂甘香，质素有一定水准。
特上和牛牛肋肉定食系餐牌上最贵嘅一个，盛惠$99，价钱及配套跟伊吕波，盛八等午餐较相似。特上两字果然代表另一个层次级数，呢份牛肋肉雪花纹比起之前果份靓得多，油花亦充足，烤香之后晒上少少「魔法之盐」，味道提升不少，好味！
餐牌上有个柏叶刺身($39)，小弟孤陋寡闻，未在香港试过，决定来一客。柏叶用上打边炉常见嘅黑柏叶，本身味道较寡，但配上酱汁后食味十足，柏叶爽口有嚼劲，跟青瓜丝一齐食最为合适。
食过几份肉后，意犹未尽，再追加叫一份「王样!腹胸肉」配蒜茸味噌($69)，厚厚两份腹胸肉，尤如西冷牛肉一般，烤熟后要自行再用铰剪剪开。无指引下凭经验去烤，算系烧得理想，食落肉味虽浓厚，但整体只算不过不失，王样两字只系哗众取宠嘅技俩而已。
餐牌想叫的，或者系有供应的都已试完，大家仍觉空虚，决定埋单走人食甜品。埋单起行后发现漏左餐饮未叫，决定折返饮埋杯野，侍应们仍然懵然不知，我地系唔系有餐茶之际，再发现原来前菜无黎到，最后呢几份唔太好味嘅「前菜」变做「后菜」，实在混乿不堪，令人失望。
牛角以呢个价钱黎讲，食物质素算系非常唔错，如果唔驶排队的话绝对值得一试。不过服务方面，纵使侍应们有礼有笑容，但效率及反应完全差得很，而且我翻查其他食评，服务水准亦同样受到质疑，所以今次经验并非个别事件，店方要好好留意一下了。张贴
