影片
更多
2019-05-21
1368 浏览
约一年前旺角分店重新供应放题套餐，由前菜、肉品、海鲜、小食、饮品一律任食，每晚人头涌涌。期后奥海城、香港仔及屯门店均设放题。虽然肉品不至于顶级，但质素稳定，所以我都有兴趣。难得另一半提议，即刻答应啦屯门市广场店位于一期，面积十分大，部份为卡座，较舒适，不过当然啦，我地只有两个人，就只能够坐二人枱，都唔敢一次过点太多野。同其他分店一样，枱面上有酱料、纸巾、澡纸巾、生熟铁夹。平日晚上八成满座，可能附近未有同类型选择。烧肉放题套餐共5款，唔同套餐包括各款质素嘅肉品，定价$218/位起(冇牛肉)。以星期一至四为例，入门有牛肉嘅豪华放题套餐定价$278/位。包括牛舌、牛肋肉、肩脊肉、一口牛、前菜、沙律、豚肉、鸡肉、内脏、野菜、鱼柳、饭、汤等共52款食品，任食90分钟。饮品有汽水、果汁，或追加$28享用啤酒放题。以平板点餐，上菜速度算快，不过收野非常慢唔知系咪人手不足啦，上菜嘅人又真系斋上菜。另外啲肉盘入面大部份都有「水」，唔知系咪啲肉溶雪造成，唔系好卫生。前菜点左泡菜、辣油豆腐、味噌青瓜、椰菜。沙律方面点左海蜇柚子醋沙律，几清爽开胃。套餐包括每位一客美国和牛板腱肉、一口牛肋肉、肩脊肉、豚肉烧同鸡
烧肉放题套餐共5款，唔同套餐包括各款质素嘅肉品，定价$218/位起(冇牛肉)。以星期一至四为例，入门有牛肉嘅豪华放题套餐定价$278/位。包括牛舌、牛肋肉、肩脊肉、一口牛、前菜、沙律、豚肉、鸡肉、内脏、野菜、鱼柳、饭、汤等共52款食品，任食90分钟。饮品有汽水、果汁，或追加$28享用啤酒放题。
以平板点餐，上菜速度算快，不过收野非常慢唔知系咪人手不足啦，上菜嘅人又真系斋上菜。另外啲肉盘入面大部份都有「水」，唔知系咪啲肉溶雪造成，唔系好卫生。
前菜点左泡菜、辣油豆腐、味噌青瓜、椰菜。
沙律方面点左海蜇柚子醋沙律，几清爽开胃。
套餐包括每位一客美国和牛板腱肉、一口牛肋肉、肩脊肉、豚肉烧同鸡腿肉，和牛板腱肉入口软嫩，带适量油脂，好食过任食𠮶啲
大部份肉品分塩酱、烧肉汁两款口味，部份可选辛味酱汁，牛舌仲有黑胡椒酱呢，角切特别爽口。
网烧一口牛质素同平时单点嘅差异不大，入口软腍
牛肋肉、肩脊肉相对普通，上枱时略有冰感，不过我叫得呢个餐，都预左，哈哈。
鸡翼分塩酱同辛辣酱汁口味。
丹麦皇冠豚扒
石斑鱼柳口感有弹性。
野菜方面除左粟米、洋葱，仲有牛油本菇同金菇。个人更钟意前者，连同锡纸兜一齐烧到牛油融化，几入味
牛角饭相信亦系唔少人心目中嘅主角，米饭较以往略为松散，但配上盐味紫菜、烧肉汁，确实美味。
食烧肉少不了生菜，可解油腻，可惜蒜片太腍，冇乜诚意
昆布汤可以不试。
最令人失望莫过于饮品，乌龙茶、白桃乳酸梳打淡而无味。
用餐时间剩下30分钟，会有店员提醒；然后会俾埋雪糕你，不过好难食，哈哈。
食90分钟其实都够饱，偶然一次可以。
张贴
