喜來稀肉 (登龍街)

营业中

休息中

喜来稀肉我几年前系尖沙咀食过，记忆中气氛好唔错，而且有几位韩国员工，感觉几正宗。事隔几年试第二间分店，今次系提早同呀妈庆祝母亲节，带左佢去铜锣湾分店。呢到既前菜系自助任拎既，泡菜都有2款：一款系酸泡菜，另一款系喜来既自家泡菜，食落辣啲。仲有腌青瓜洋葱、腌萝卜、沙律、生菜蓝、蒜头同各款酱料。另有2款炉边蛋：一款芝士，一款系泡菜。建议芝士同泡菜落多啲会好味啲。当晚主要食烧肉，嗌左一款猪，二款牛，全部自己烧，狂包生菜食，食到最后捧住肚仔走人🤰🏻呢到既价钱同野食份量合理，人均二百几蚊，而且味道又唔错，可以再访🙂猪护心肉 $158即系猪横膈膜同肝之间既肌肉肌腱部分，属于珍贵部位，无乜油脂食落柔软而多筋。牛护心肉 $160牛既横隔膜，略带油花，肉质软腍，肉味浓郁。牛舌 $158有十几块薄切牛舌，块块爽口。