琥酌 (已結業)

是日用openrice book左位，但去到因为前一枱人未走，都要等大概15分钟先入得，但都ok，唔算好耐。地点都好方便，太子站A出口一出行两步就到啦～一点完菜，佢会俾左果免费前菜先。我谂未必次次果前菜同一样，而我今日系汁煮牛腩加白同红萝卜。我同朋友每人都有两旧牛腩，见其他枱都系甘上下。味道不过不失，偏咸，同埋白萝卜好多根，咬唔烂。但免费既都有食下。甘叫左杯特饮，蓝蝶花特饮。本来睇图都期待左一下，以为会好靓。点知一黎就系一杯紫色野饮，好似同图完全不符。。。不过老实讲唔计令人失望既外观，味道系唔差既。叫左两个小食，其中一个系明太子玉子烧。甘摆得都几靓，岩哂相机食先既我。图片都见到佢啲明太子俾得都好大方，好足料，食落去系一半明太子一半蛋既程度，明太子味好出。蛋都整得岩岩好，唔会太老，配埋侧边柴鱼松食，味道好夹好好食，推介大家点既小食！另一个叫左既小食系名古屋鸡翼。其实唔计端炉烧，佢另一个餐牌上既鸡翼小食系明太子鸡翼，但果个得两只同埋我地玉子烧都系有明太子，免得太重复，就叫左呢个有4只既名古屋鸡翼。甘问左店员话系咸咸甜甜酱汁烧出黎既鸡翼。食落系偏咸多啲，烧得岩岩好，唔会好鞋口，汁都好惹味既。