肉浦團火鍋放題

营业中

休息中

打边炉系无分心情同埋季节，而要满足突如其来嘅食欲，任食一定系最好选择。呢间火锅放题而家逢星期日至四做紧二人同行，一人半价优惠！见到咁抵，我哋即时入去试下。店长装修好有心机，好多地方都挂左电影漫画，尤其呢张餐枱纸，相信花咗好多心机设计👍🏻🤣 我地点左澳洲M5M8和牛任食Set，配寿喜烧汤底。呢个set 既都有好多款牛肉可以试：澳洲M5和牛牛肩胛澳洲M8臀腰肉心澳洲壳饲牛臂尖美国安格斯牛板腱美国安格斯牛颈脊美国安格斯牛背峰薄切封门柳👍🏻牛肉既油花丰满，霜降亦好均匀，牛肉挂满寿喜烧汁后更好味👍🏻两个人食左八碟牛🫣😋除咗和牛，仲有越南虎虾、广岛蚝同埋几十款配菜可以去自助区自己夹👍🏻配菜选择好多，而且自助区、饮品区干净企理，值得一赞！饮品仲有啤酒任饮👍🏻👍🏻广岛蚝都算大只厚肉，食落去无腥味👍🏻即刻点多几只黎食😋 最后，每个客人都会送一款Häagen-Dazs雪糕或者芝士蛋糕。结果我同朋友饱到捧住个肚走，推荐大家去试下。