牛皇星 (已搬遷) 新店位置

用牛迷圣地黎形容绝不为过，星期三晚九点去到门口见到舖头细细，又冇人等位，仲以为冇乜fans ，原来楼上别人洞天，好彩o岩o岩仲有一张四人台，两个人坐非常松动，睇过呢度食评，汤底方面冇乜特别介绍，求其叫个沙嗲汤底，酱料方面有干蒜蓉、蒜蓉、葱碎同辣椒粒任落，咁理想本应好好味先o岩，可惜豉油劲咸又冇鲜味，失败到极点,；牛肉有三款不同部位任拣（大）$128，（细）$88，价钱一样，问伙记边只牛肉腍Ｄ，伙记介绍牛脊肉包腍，牛肉上台一睇已经非常对路，色泽鲜艳，雪花纹细致均匀（原全系吉之岛$70 蚊五片个只），虽然一碟大牛肉数埋冇几多块，但系o系重质不重量大前题下，照食可也，果然入口即溶，唔驶点o赵又冇渣，可惜沙嗲味道太霸道，食唔出肉味，而另一个问题系太肥，再加埋咁漏既沙嗲汤底，食唔到几件已经成口油，咁又叫多个虾滑过下口瘾，减低下肥腻感，点知张单又落错虾滑墨鱼滑双拼$68，味道一般，我谂食平十蚊，要净虾滑Ｄ虾味会浓好多，一场黎到，食得一碟牛肉又好似单调左Ｄ，所以又叫多碟细金钱牛𦟌 $88，个侍应落单后五分钟过黎同我讲，冇金钱鳝㖞？下？我几时话叫鳝呀？鳝同𦟌都分唔开呀？果如其他食评所讲，侍应真系恰下恰