影片
更多
2021-12-20
74 浏览
#牛阵全新装修 #变身超贴心亲子火锅餐厅 #只此一家分店限定我地一家四口提早做冬，去咗荃湾愉景新城嘅牛阵打边炉🥰 因为知道牛阵装修之后好方便一家大细，仲加咗小朋友自助吧！我地食咗 #澳洲产特上长期谷饲牛放题套餐（大人$279，身高90cm-140cm以小童价$109计算）。先上咗三盘牛肉、一盘牛舌、一盘豚肉，仲有一盘海鲜。特上澳洲谷饲牛真系好淋，又够肉味。海鲜都唔差，个蟹子墨鱼滑唔错。火锅自助吧都好丰富，餐厅提供咗三个大盘，方便分类放菜、丸同肉。丸类要提下个芥末酱爆肉鱼丸（个名我改嘅😂），外层鱼蛋加入wasabi好特别，yummy! 弹牙鱼蛋系细细粒𠮶种，一开二就可以畀小朋友食嘞。 菜就唔算好多选择，但有我两个女最钟意嘅唐生菜，目测洗得好干净👍🏻 四人枱有个四个炉，可以一人一个窝自私食，不过我地有小朋友，叫两个窝就够，而且比较安全，汤底我地拣咗 #番茄汤 同 #美肌豚肉汤 （一共有四款选择，仲有 #药膳香辣汤 #浓厚鸡白汤） #新增60cm高小朋友自助吧冬甩同我一放低袋，就出咗去自助吧「玩」，玩朱古力喷泉，同整棉花糖，成件事唔净系打边炉，真系玩得好开心🥳不过90分钟放题，唔够时间焗埋迷
#变身超贴心亲子火锅餐厅
#只此一家分店限定
我地一家四口提早做冬，去咗荃湾愉景新城嘅牛阵打边炉🥰 因为知道牛阵装修之后好方便一家大细，仲加咗小朋友自助吧！
我地食咗 #澳洲产特上长期谷饲牛放题套餐（大人$279，身高90cm-140cm以小童价$109计算）。先上咗三盘牛肉、一盘牛舌、一盘豚肉，仲有一盘海鲜。特上澳洲谷饲牛真系好淋，又够肉味。海鲜都唔差，个蟹子墨鱼滑唔错。火锅自助吧都好丰富，餐厅提供咗三个大盘，方便分类放菜、丸同肉。丸类要提下个芥末酱爆肉鱼丸（个名我改嘅😂），外层鱼蛋加入wasabi好特别，yummy! 弹牙鱼蛋系细细粒𠮶种，一开二就可以畀小朋友食嘞。 菜就唔算好多选择，但有我两个女最钟意嘅唐生菜，目测洗得好干净👍🏻
四人枱有个四个炉，可以一人一个窝自私食，不过我地有小朋友，叫两个窝就够，而且比较安全，汤底我地拣咗 #番茄汤 同 #美肌豚肉汤 （一共有四款选择，仲有 #药膳香辣汤 #浓厚鸡白汤）
#新增60cm高小朋友自助吧
冬甩同我一放低袋，就出咗去自助吧「玩」，玩朱古力喷泉，同整棉花糖，成件事唔净系打边炉，真系玩得好开心🥳不过90分钟放题，唔够时间焗埋迷你pancake同食shake shake薯条。
#Kids_and_Family_friendly设备
非常贴心嘅设备，小朋友餐具套装𠮶啲系基本啦，最贴心系门口部全自动感应三合一洗手机，先出洗手泡泡，再出水，再出纸巾！食嘢用搓手液点都唔及得洗手干净，呢部机真系要大大力赞👍🏻👍🏻👍🏻 而门口 #婴儿车停泊区 有好多位，泊到成6-7架车。枱与枱之间距离都够阔，揹住妈妈袋出入座位都好轻松，亦方便小朋友/老人家出入👍🏻
#扩充火锅酱汁吧
火锅酱汁吧好阔落，有好多款特色火锅酱料及调味粉选择，咁样打边炉先够滋味嘛！我就斟咗甘甜橘子酱油（好好味！😋）同埋昆布酱油。
#HäagenDazs雪糕任食
食到咁上下就去笔雪糕食，怕太饱食唔落嘛，有四款拣（夏威夷果仁、焦糖脆饼、比利时朱古力、云呢拿），你睇我张相好似冇晒咁，但我问咗职员，原来我个角度睇唔到仲有少少，食晒就会换桶新嘅😆
#饮品
打边炉我一定要饮可口可乐，牛阵提供嘅系可口可乐（唔系百事✌🏻）、仲有Lotte芒果汁同香桃味忌廉沟鲜奶等等，如果有清热系列就好了。
#扭蛋机小礼物
每位小朋友都得到一个银币🪙去扭弹弹波，又食又拎，小朋友好happy!
牛阵
地址: 荃湾青山公路荃湾段398号愉景新城3楼3002号舖
网址: https://s.openrice.com/QrbS07fm200~dadtTCEle
@gyujin_wagyu
#亲子火锅 #亲子餐厅 #牛阵 #hotpot #familydinner #一人一锅 #火锅 #delicious #做冬 #亲子好去处 #亲子活动 #牛阵
1 浏览
0 赞好
0 留言
张贴
