祥榮茶冰廳

营业中

休息中

周六早上嚟到呢度附近，上面学校区有停车镖位可以泊车，行落嚟揾到呢间茶餐厅，门口有售卖面包蛋糕。室内装修好有香港地道特色，绿色白色阶砖地，板櫈卡位，楼底够高，坐得舒适。食客以中年人士及长者居多。第一次见早餐可以拣菠萝包跟面餐，都可以拣牛油餐包，餐肉、肠仔、火腿、蛋可以任拣两款或者食火腿奄列都得，多种配搭，梗有一款啱你心意。仿鲍鱼火腿丝面，鲍鱼只有一片，火腿丝就大量，面质爽口。沙爹牛肉面，沙嗲汁够香浓，牛肉入味够淋，块块食得。茶餐厅最重要系杯奶茶，奶茶够香够滑，这里的算中上水平，用黑白淡奶一定有质素保证，唔落糖都好好饮。其他早餐同出面嘅选择都差唔多。晚餐会有煲仔菜、小菜，多种不同选择，钟意嘅仲可以啤啤佢，相信都系做街坊生意多。