龍門冰室 (已結業)

观塘出名茶厅多，但要揾到好食既就真系唔多！今日揾到呢间「龙门冰室」，餐厅环境同装修远胜同区旧式茶餐厅，由于同佢同等级数嘅茶餐厅唔多，食物种类又比一般茶餐厅为多，人流非常畅旺，晚市爆棚。餐厅做野好积极，啲嘢食出得快，温度保持热辣辣，好过一般茶餐厅整定晒冻冰冰。爵士西冷并香草肠铁板餐买相唔错，大大分，大食夹抵食，德国肠加两块西冷扒，配埋黑椒汁，简直一流。仲有满满既粗薯条舖满铁板。绝对推介👍🏻珍珠铁板牛仔肉拼炸虾，牛肉占左铁板既一半，绝无足料。而炸虾水准唔错，一般茶餐厅食点都会食到雪藏味，龙门冰室相对上就冇呢种情况，值得一赞👍🏻而且有两旧西兰花，食完甘大碟肉有d菜落下肚帮助消化。嚟到记得饮佢哋嘅特饮龙凤柠乐，落足料大大嚿咸柠檬，绝对系诚意之作菠萝冰特饮大大旧菠萝，绝对解渴，又消暑😋