影片
更多
2022-05-15
922 浏览
平时食开深水埗分店，食物品质不容置疑，所以想介绍朋友试呢间。牛头角佢就脚啲，就带佢去咗牛头角分店。𠮶晚我哋食完嘢，朋友漏低咗支酒精喷雾，离开咗舖头15分钟就已经即刻打返去问，店员话已经掉咗。首先我唔明白点解客人漏低咗嘢佢哋会选择即刻掉咗佢，连15分钟都唔等得。虽然一支酒精喷雾并唔系啲咩贵重嘢，但唔系𠮶样物件嘅价值问题。咁系咪所有客人漏低嘅嘢你哋都系会立刻掉咗佢？实在系冇办法理解呢种处理手法。然后我WhatsApp再问佢哋，佢哋唔单止冇道歉，仲同我讲「其实我地之前有帮客人留过酒精，但基本上没有客人会回来拿」。请问过往其他人唔攞，系咪代表我一定唔会想要返？同埋系咪真系15分钟都唔等得，要即刻掉咗客人嘅物品？之后佢仲要唔覆我。老实讲，当晚嘅服务态度本身已经好差，想揾店员系冇人理。加上佢哋唔覆WhatsApp呢种态度，真系好令人失望。既然佢哋唔覆我，于是我WhatsApp揾深水埗分店帮忙，反而系佢哋系咁同我道歉⋯⋯同埋帮我揾返牛头角店长讲返呢件事。始终都系深水埗嘅店员正路好多，起码有交带同态度好。我明白饮食业有啲位系真系会难做，人手问题亦可能会导致客人要等候，呢样嘢我接受。但系掉咗客人漏低咗嘅
𠮶晚我哋食完嘢，朋友漏低咗支酒精喷雾，离开咗舖头15分钟就已经即刻打返去问，店员话已经掉咗。
首先我唔明白点解客人漏低咗嘢佢哋会选择即刻掉咗佢，连15分钟都唔等得。虽然一支酒精喷雾并唔系啲咩贵重嘢，但唔系𠮶样物件嘅价值问题。咁系咪所有客人漏低嘅嘢你哋都系会立刻掉咗佢？实在系冇办法理解呢种处理手法。
然后我WhatsApp再问佢哋，佢哋唔单止冇道歉，仲同我讲「其实我地之前有帮客人留过酒精，但基本上没有客人会回来拿」。请问过往其他人唔攞，系咪代表我一定唔会想要返？同埋系咪真系15分钟都唔等得，要即刻掉咗客人嘅物品？之后佢仲要唔覆我。老实讲，当晚嘅服务态度本身已经好差，想揾店员系冇人理。加上佢哋唔覆WhatsApp呢种态度，真系好令人失望。
既然佢哋唔覆我，于是我WhatsApp揾深水埗分店帮忙，反而系佢哋系咁同我道歉⋯⋯同埋帮我揾返牛头角店长讲返呢件事。始终都系深水埗嘅店员正路好多，起码有交带同态度好。
我明白饮食业有啲位系真系会难做，人手问题亦可能会导致客人要等候，呢样嘢我接受。但系掉咗客人漏低咗嘅物品，加上对应查询嘅处理手法，平心而论，佢哋呢种服务态度系不能接受，呢样嘢应该只系基本。同深水埗分店店员嘅服务质素高下立见。
俾劣评绝对系受服务质素影响。
浓汤&清汤极上拉面
30 浏览
0 赞好
0 留言
柚子雪葩，白米雪糕
14 浏览
1 赞好
0 留言
张贴
