宮葉 パフェ (已結業)

假日系观塘行街，到左晚饭时间肚饿，但唔想次次系大型商场食。行行下去到牛头角道，无念过会见到有间日本食肆，而且仲相当多人，所以就决定入左去试。一入到去，因为底层已经坐满人，侍应就带左我地上一层坐。 店内装饰非常宽敞，光线充足。原来佢呢度除左有咸点之外，仲有好多甜点(例如waffle, 抹茶心太软，拿破仑甜品等等)，同特色饮品。 我睇完个menu都心郁郁，最后决定叫吉列猪排亲子丼餐 (仲附送面豉汤)，加左8蚊叫左杯特饮蓝莓乳酪果茶。个亲子丼既猪排非常软熟，香脆可口，唔肥腻。配料非常充足，洋葱爽脆鲜甜，鸡蛋嫩滑入口，冇得弹。 最重要系份量非常够。而个面豉汤用料充足，非常清甜。杯特饮非常好味而又唔甜，蓝莓对眼睛好，而乳酪对肠胃好，茶底系抹茶，仲有好多生果做toppings，非常健康。最后我都系忍唔住再叫左个甜品香蕉太妃批。个批底非常香脆，仲间夹住香蕉，上层就系厚厚既toffee，而家念番起都真系意犹未尽。 好彩今次肯走远几步医肚，不过其实行番去地铁站都只系需要5至10分钟，大家都快d去试下啦。