大漁屋台 (已結業)

呢排牛头角开咗唔少特色小店，所以特登去试吓呢间大渔屋台。食店装修几有日本特色我哋懒得谂，又见都几啱食，所以就拣咗$398嘅二人套餐～渍物有三小碟，我系唔食蒜头，其他都OK～松叶蟹沙律蔬菜几新鲜、都好多蟹肉、细细份，但味道唔错～刺身尚算新鲜～海胆拖罗卷寿司饭用咗酱油饭，不过就冇乜酱油味～黑松露茶碗蒸黑松露味重不过冇乜蛋味～串烧牛牛好好食！！烧得好，有牛味，又唔韧～清酒蚬蚬肉大只，清酒汤底落咗好多葱同有姜提味，几好味～猪软骨乌冬啲猪软骨好韧好老！不过啲乌冬同个酱油汤底都OK～最后甜品有雪糕总括嚟讲个套餐都几多嘢食，以小店来讲算唔错，不过份量少贵咗啲。