森戶 (官塘立成大廈) (已結業)

香港工业区卧虎藏龙，近年唔少餐厅因租金考虑选址于呢啲地段，牛头角亦唔例外！午饭时段经过发现一间新开嘅日式平价omakase，价钱由300至600几蚊不等。中午时段唔想食厨师发板咁heavy，所以单点算数。午市套餐奉送茶碗蒸同埋面豉汤。茶碗蒸几出色。大大旧鸡肉蟹柳好足料，加埋芫荽白果有创意，味道又出奇地几夹！调味得宜，火候控制得啱啱好，滑嫩无比。安格斯牛扒饭 $168油花唔算多，肉质紧致有嚼劲，牛味几浓！厚薄适中，烧汁稍咸适合送饭。旁边嘅粟米芯同埋秋葵属串烧质素，好过一般伴碟，赞！寿司拼盘$18810件寿司包括：拖罗、三文鱼、油金鱼、带子、金线鲷、池鱼、白身鱼、甜虾、三文鱼子、葱吞拿鱼腩。寿司质素中规中矩，食得过！最欣赏金线鲷，「鱼如其名」鱼皮上面嘅黄色花纹好吸引，肉质紧实，炙烧更添甘香。三文鱼子军舰都唔错，粒粒晶凝通透，咸香唔腥。黑豚五花腩 $68 & 盐烧牛舌 $78日本菜点少得即叫即烧嘅串烧！五花腩几松化，脂肪一层叠一层、油香充盈。牛舌无腥臊味，厚切得黎爽口唔韧。厨师调味比较重手，重口味嘅朋友应该会好喜欢，适合重口味嘅朋友会喜欢，适合佐酒。