Non Kitchen

营业中

休息中

终于喺牛头角揾到有间同朋友倾计嘅好餐厅，喺鸿图道，离牛头角站非常近嘅Non Kitchen。喺楼下见到呢个牌再行上一层就啱啦。上到去，餐厅环境非常之大，座位之间有好多空位，适合同朋友默默倾计或者约会。装修亦有情调。晚上有set dinner，感觉份量好大，所以就同朋友选择咗散叫。首先，餐前包好软熟👍🏽阿拉斯加蟹肉牛油梨塔 - 识落淡淡蟹肉，加上牛油果香华，非常之开胃。日本鹿儿岛黑豚肉扒 - 未食过咁好食嘅豚肉扒，肉质嫩滑，一啲都唔韧，仲有好多肉汁，非常高质素。香辣茄汁大虾天使面 - 天使面唔算好辣，大虾啖啖肉。意大利芝士饼Tiramisu - 超高质嘅Tiramisu，比起平时嘅更加多酒嘅香味，好陶醉。总括来讲，推介呢一间餐厅比朋友或者情侣聚会，价钱合理。