616牛肉火鍋專門店 (馬鞍山中心)

营业中

休息中

都已经好耐冇食616了，以前成日去食大埔总店，马鞍山开咗食过一两次就冇食好耐，今日想喺马鞍山打边炉，又唔想食放题，就嚟616啦。喺openrice book定位，有85折。一定要叫牛骨汤底，都食过其他汤底，但都觉得牛骨汤底好味好多，好浓好香。另外觉得一定要叫就系牛丸同乌冬，牛丸好弹牙，入面好多汁，而且超浓香牛味。乌冬有个手打乌冬，以前好似冇，系新加，而且平过稻庭乌冬，就叫嚟试吓，口感又几好，都唔错。叫咗牛驼峰、吊龙伴、匙柄、日本牛颈脊，牛驼峰最好食，最浓味口感又最好，另外全部都好食，都好浓香牛味，日本牛颈脊就最肥。叫咗饮品菊花桂圆露同玫瑰洛神花茶，不过其实饮咗好多牛骨汤，都冇乜点饮饮品。另外因为餐厅要收酱料费，记得出去攞酱料，任攞，而且有十几款好多选择，个牛肉汁都好味。