越港正宗越南湯粉 (已結業)

平时食晏多数去茶记搞掂，但食得多都会闷，上网望下湾仔有咩新餐厅，见到呢间越港，心谂都好耐无食越南野，就试下佢啦。越港位置隐藏于闹市，但未至于好难揾，去到麦加力歌街转入去就到。叫左下午茶香茅猪扒汤金边，店家标榜汤底以鲜牛骨熬制，饮落牛味十足，忍唔住饮多几啖先开始食粉，汤底本身已经好好味，落埋青柠同辣椒更加醒神！香茅猪扒好香脆，够厚身一d都唔韧，本身料靓松肉粉都悭返。咖啡偏酸，唔岩我口味，加上我饮晒d汤成肚水，最后不得不放弃咖啡。下次试下河粉同其他饮品先。