影片
更多
2024-07-16
3239 浏览
每个入嚟嘅客人都问有冇爽腩，相信佢嘅爽腩应该真系好出色！平日12点半去，幸运地今日少人唔洗排队就入得。本身想跟人试爽腩，可惜店员话爽腩要晏少少先有。清汤牛坑腩幼面 $70牛坑腩始终会痴住啲肥膏，所以望落以为啲腩好肥。但佢每件相对几爽口，唔痴牙，易入口唔洗咬好耐！面质弹牙，生菜又有几片！清汤崩沙腩河加牛丸崩沙腩相对瘦，条条分明嘅感觉，肉质结实但同样无痴牙，一样有牛味，份量十足。加上牛丸同样出色，弹牙又有牛油香，难怪亦系必加项目！$8/2粒，正常价钱。河粉通透，正常！不得不提，其实最出色系佢嘅牛骨汤。唔系出面粉面舖嘅深色腩汁，饮得出佢系又清又浓牛味嘅牛骨汤。唔会好肥腻，唔会好油，唔会过咸。难怪好多人食完个面都会好似食拉面咁清埋个汤，而最正系食完成餐，唔会有好口渴嘅感觉！牛骨汤真系值得大赞！！！另外佢有2款辣椒酱同样要试，一款有沙嗲味嘅辣酱，一款系出面饺子店会有嘅菜脯辣酱。个人喜爱沙嗲风味！小总结💬大赞牛骨汤！每款牛腩都好味，而且牛丸真系必加！虽然价钱唔算好平，但一分钱一分货，佢嘅食物系出色。如果唔洗成日排长龙就必定会成日返嚟食！(满分为🤤x5)好味指数: 🤤🤤🤤🤤🤤抵食指数: 🤤🤤🤤🤤回头
平日12点半去，幸运地今日少人唔洗排队就入得。本身想跟人试爽腩，可惜店员话爽腩要晏少少先有。
清汤牛坑腩幼面
$70
1059 浏览
2 赞好
0 留言
牛坑腩始终会痴住啲肥膏，所以望落以为啲腩好肥。但佢每件相对几爽口，唔痴牙，易入口唔洗咬好耐！面质弹牙，生菜又有几片！
清汤崩沙腩河加牛丸
$90
857 浏览
0 赞好
0 留言
崩沙腩相对瘦，条条分明嘅感觉，肉质结实但同样无痴牙，一样有牛味，份量十足。加上牛丸同样出色，弹牙又有牛油香，难怪亦系必加项目！$8/2粒，正常价钱。河粉通透，正常！
不得不提，其实最出色系佢嘅牛骨汤。唔系出面粉面舖嘅深色腩汁，饮得出佢系又清又浓牛味嘅牛骨汤。唔会好肥腻，唔会好油，唔会过咸。难怪好多人食完个面都会好似食拉面咁清埋个汤，而最正系食完成餐，唔会有好口渴嘅感觉！牛骨汤真系值得大赞！！！
另外佢有2款辣椒酱同样要试，一款有沙嗲味嘅辣酱，一款系出面饺子店会有嘅菜脯辣酱。个人喜爱沙嗲风味！
小总结💬
大赞牛骨汤！每款牛腩都好味，而且牛丸真系必加！虽然价钱唔算好平，但一分钱一分货，佢嘅食物系出色。如果唔洗成日排长龙就必定会成日返嚟食！
(满分为🤤x5)
好味指数: 🤤🤤🤤🤤🤤
抵食指数: 🤤🤤🤤🤤
回头指数: 🤤🤤🤤🤤🤤
张贴
