影片
更多
2019-04-16
23 浏览
之前去旅行食得太多，返到香港无乜胃口。连续几日简单食碗鱼蛋粉就算。吃货守唔到几日又出动食好东西。今日就嚟到一盛极牛试下个拉面，地点好易揾，喺天文台道有个极大极吸睛嘅招牌。小店面唔算大，一般餐厅务求做多d生意，摆位都会枱贴枱。但我好欣赏呢间餐厅无咁做，食客坐得舒适，倾计方便 ！单单系呢一点已经肯定我会再帮衬！食物方面，基本上3款选择，牛骨汤拉面、白牛拉面，同埋饭。牛骨汤顾名思义就系以牛骨熬制，而白牛就系加入白松露嘅牛骨汤拉面。拎住张落单纸，根据自己喜好拣配料。特别在于牛肉可以拣刺身或者火炙，牛肉系用熊本和牛，店员主刺身就牛肉味浓、火炙就油脂丰富。我就拣咗火炙白牛。一上枱松露味好香！呷一口牛骨汤，味道浓郁而不油腻，亦唔会过咸。面底都值得一赞，面条比一般拉面短，但拉面好弹牙，而且有淡淡嘅蛋香味。最后主角当然系火炙熊本和牛，薄片牛肉经过火枪嘅烧烫，牛肉脂肪被迫出嚟，牛肉嫩滑入口即溶，所以建议牛魔王叫两份牛或以上先会够皮！下次我会试试刺身，相信配合浓郁嘅牛骨汤，一定会level up!
食物方面，基本上3款选择，牛骨汤拉面、白牛拉面，同埋饭。牛骨汤顾名思义就系以牛骨熬制，而白牛就系加入白松露嘅牛骨汤拉面。
拎住张落单纸，根据自己喜好拣配料。特别在于牛肉可以拣刺身或者火炙，牛肉系用熊本和牛，店员主刺身就牛肉味浓、火炙就油脂丰富。我就拣咗火炙白牛。
一上枱松露味好香！呷一口牛骨汤，味道浓郁而不油腻，亦唔会过咸。面底都值得一赞，面条比一般拉面短，但拉面好弹牙，而且有淡淡嘅蛋香味。
最后主角当然系火炙熊本和牛，薄片牛肉经过火枪嘅烧烫，牛肉脂肪被迫出嚟，牛肉嫩滑入口即溶，所以建议牛魔王叫两份牛或以上先会够皮！下次我会试试刺身，相信配合浓郁嘅牛骨汤，一定会level up!
张贴
