琥酌 (已搬遷) 新店位置

同男朋友想食依间好耐，之前去过太子分店，点知咁岩无开，所以今次突登系放工之后同男朋友去尖沙咀分店，满足番之前未食到既空虚。我同男朋感觉都系牛魔王，一见到牛类既野食，就会忍吾住叫。男朋友好钟意食吉列牛，所以我地就叫咗安格斯牛吉列御膳。餐厅准备咗三种调味料比我地，包括粉红色盐、清新而酸酸地既汁同埋沙律酱。吉列牛嚟到既时候，店员仲好仔细咁话比我地知，每边要煎25-30秒。我地都真系有计住，因为要食一旧好食既牛，除咗旧牛本身既质素之后，都要睇翻煎煮旧牛既技巧同时间。好彩男朋友都好有耐性咁计住，所以我地都好满意牛既质感。我地叫咗个黑牛安格斯寿喜烧配吉列组合。寿喜烧有好多材料，包括温泉蛋、娃娃菜、豆腐、萝卜同金茹等。啲牛嚟既时候仲系红色，放多阵就岩岩好，好滑。吉列蚝同虾跟餐甜品系慕丝奶冻最后，我仲叫咗个牛魔王串烧，依个真系好好食，平时食既串烧，啲牛通常都会overcook，但依串就算旧牛好大都好，个肉质都好正。