阿久根和牛立燒店 (已結業)

旺角白布街一带出名多嘢食，今晚我就嚟咗呢间食黄牛烧肉嘅舖头，名叫阿久根和牛立烧店。听个名都感觉都日式风味，对佢哋嘅和牛好有期待。餐厅虽然唔大，但感觉客人都可以自成一角静静地食嘢，墙身摆满好多清酒，不过由于我唔饮酒，所以我哋就唔叫啦。望一望Menu都有几个套餐选择，另外仲有牛、猪、鸡、海鲜、蔬菜等等嘅日式烧烤配料选择，种类都几多。我哋两个人叫咗两个套餐，再加上一啲散叫嘅串烧同肉类，都食得饱饱。极上和牛定食：嚟到餐厅当然要试吓佢哋嘅主打和牛啦！套餐有沙律、渍物、面豉汤、白饭同埋最最最重要嘅和牛。牛分别有四个唔同部位，分别系牛舌、牛肚、同埋两款西冷A4和牛。和舌算系少少厚切，肉质一流，烧完好香好好味。牛肚都系第一次烧，不过感觉又好得意又好味㖞，因为个皮多咗少少香脆，而里面一样系咁林。两款西冷都非常有牛香同油香，一级棒！阿久根和牛涮锅：除咗烧肉我哋都想试吓佢吔嘅shabu shabu，用寿喜烧汤底，配上乌冬、日本鸡蛋、和牛、蔬菜盘，都几丰富㗎 ！汤底好够味，加上和牛（肉眼A4, 三角肋肉，上胸腹肉）全部都好林好味，真系好好食。乌冬又弹牙，蔬菜盘都好惊喜，除咗份量多种类多，里面仲有透明有弹牙嘅面