影片
更多
2019-08-11
2051 浏览
作为牛魔王，黎呢间牛魔简直最适合不过。装修型格，呢度播住轻快既欧美流行曲，但其实系一间日本 x 韩国既烧肉餐厅，净系睇枱上面既餐具摆设已经知道，有日式筷子，仲有韩国既大头羹。一坐低已经有前菜三碟，同样系有韩有日，有芽菜、青瓜仲有中华沙律。前菜模式同好多韩式舖头一样系无限添加。咁啱食晒中华沙律之际，店员加左泡菜比我，正啊，净系前菜已经超丰富喇。餐牌有日本、美国、澳洲既牛任君选择，我就拣左一款日本牛同一款美国牛。等左五分钟主菜就黎喇。打完卡之后侍应就帮手烧，首先用一块牛脂肪扫个炉面，然后就开始烧喇。A4西冷50g（$130），西冷薄切。配甜豉油加生蛋做酱。侍应烧一分钟左右已经食得，到七成熟左右，略嫌熟左少少，不过因为无腌制过，所以依然有好自然既牛味。美国Prime酱油牛肋骨（$198），有两大块，腌制过既所以基本上唔系点任何酱料已经超够味。牛肋骨因为厚身好多，所以都要烧3-5分钟视乎个人喜好，上一块比较熟，所以今次我特别要求生少少。效果果然非常满意啊，本身腌得几甜，肉质几嫩，咬落够晒juicy，配饭一流。呢度既白饭系珍珠米（$20），粒粒分明架。食左咁多heavy野，梗系饮杯清清地既，呢度
装修型格，呢度播住轻快既欧美流行曲，但其实系一间日本 x 韩国既烧肉餐厅，净系睇枱上面既餐具摆设已经知道，有日式筷子，仲有韩国既大头羹。
一坐低已经有前菜三碟，同样系有韩有日，有芽菜、青瓜仲有中华沙律。前菜模式同好多韩式舖头一样系无限添加。咁啱食晒中华沙律之际，店员加左泡菜比我，正啊，净系前菜已经超丰富喇。
餐牌有日本、美国、澳洲既牛任君选择，我就拣左一款日本牛同一款美国牛。
等左五分钟主菜就黎喇。打完卡之后侍应就帮手烧，首先用一块牛脂肪扫个炉面，然后就开始烧喇。
A4西冷50g（$130），西冷薄切。
配甜豉油加生蛋做酱。
侍应烧一分钟左右已经食得，到七成熟左右，略嫌熟左少少，不过因为无腌制过，所以依然有好自然既牛味。
美国Prime酱油牛肋骨（$198），有两大块，腌制过既所以基本上唔系点任何酱料已经超够味。
牛肋骨因为厚身好多，所以都要烧3-5分钟视乎个人喜好，上一块比较熟，所以今次我特别要求生少少。
效果果然非常满意啊，本身腌得几甜，肉质几嫩，咬落够晒juicy，配饭一流。呢度既白饭系珍珠米（$20），粒粒分明架。
食左咁多heavy野，梗系饮杯清清地既，呢度除左梳打，仲有热茶。呢度既热茶系香片。
食左咁耐都无点闻到油烟味，炉边既抽油烟系统果然非常唔错。
张贴
