影片
更多
2021-12-21
1136 浏览
与朋友去咗呢间以日本和牛料理为卖点嘅餐厅，餐厅环境犹如置身日本居酒屋，店员亦好nice，值得推介👍🏻🏮前菜（$20/ 位）餐牌已注明前菜以每位计算，客人入座后就会送上。前菜款式每晚不一，当晚系冲绳水云，味道酸酸地，清新又醒胃，好食到多点咗一份😋🏮薄烧和牛沙律（$88）和牛切成薄片，混合新鲜生洋葱、沙律菜及车厘茄，加埋油醋汁一齐食完全唔觉得腻，味道仲好鬼夹，而且和牛份量唔少，以呢个价钱就食到和牛确系抵👍🏻🏮自家制芝士豆腐（$68）芝士豆腐有浓浓豆香及芝士味，口感绵密creamy似布甸，配新鲜芥末、木鱼豉油及葱花同食，味道会比较丰富及清新😋🏮芝麻酱油麦菜（$58）印象中好似无生食过油麦菜，原来口感与生菜无乜分别；以青瓜片卷住油麦菜，简单蘸少少芝麻酱已够好食，另清新爽脆嘅口感可中和和牛菜式嘅腻感😌🏮铁板皇者和牛三食（$728）和牛均来自日本九州，分别系本部牛、鹿儿岛黑牛及石垣牛，三款和牛都别具名气；虽然和牛置于高热铁板上，但因底部垫满洋葱，所以和牛既可保持半熟，又可保持温度，而且亦充满洋葱香，蘸少少柚子胡椒、岩盐或洋葱汁更好味😌本部牛油脂相对较少，与另外两款相比会较有嚼劲，但肉质依然软嫩；鹿
🏮前菜（$20/ 位）
餐牌已注明前菜以每位计算，客人入座后就会送上。前菜款式每晚不一，当晚系冲绳水云，味道酸酸地，清新又醒胃，好食到多点咗一份😋
🏮薄烧和牛沙律（$88）
和牛切成薄片，混合新鲜生洋葱、沙律菜及车厘茄，加埋油醋汁一齐食完全唔觉得腻，味道仲好鬼夹，而且和牛份量唔少，以呢个价钱就食到和牛确系抵👍🏻
🏮自家制芝士豆腐（$68）
芝士豆腐有浓浓豆香及芝士味，口感绵密creamy似布甸，配新鲜芥末、木鱼豉油及葱花同食，味道会比较丰富及清新😋
🏮芝麻酱油麦菜（$58）
印象中好似无生食过油麦菜，原来口感与生菜无乜分别；以青瓜片卷住油麦菜，简单蘸少少芝麻酱已够好食，另清新爽脆嘅口感可中和和牛菜式嘅腻感😌
🏮铁板皇者和牛三食（$728）
和牛均来自日本九州，分别系本部牛、鹿儿岛黑牛及石垣牛，三款和牛都别具名气；虽然和牛置于高热铁板上，但因底部垫满洋葱，所以和牛既可保持半熟，又可保持温度，而且亦充满洋葱香，蘸少少柚子胡椒、岩盐或洋葱汁更好味😌本部牛油脂相对较少，与另外两款相比会较有嚼劲，但肉质依然软嫩；鹿儿岛黑牛肉味浓，油脂分布及口感比较平均；石垣牛油脂含量最高，入口油香满溢，但口感亦相对最腻。三款和牛高质且各有特色，未食前会觉得价钱偏贵，但食过后会觉得物有所值👍🏻啱晒牛魔王😋
🏮薄烧和牛寿司（$98）
一大片和牛盖住一小旧寿司饭，根本系和牛多过饭😍店员会以火枪即烧和牛，客人可自选生熟程度或依建议烧至五成熟；和牛油花分布平均，烧过嘅和牛油香更澎湃突出，入口即溶，配蒜泥及葱花更惹味😋
🏮日式烧年糕（$68）
年糕本身已熟透，只需放于火炉上轻烤至微焦就可，过程必需要眼明手快，否则年糕会烤㶶；年糕带米香，口感外脆内烟韧软糯，配黄豆粉、甘粟、红豆或黑蜜同食会更滋味😋另卖相别致，除咗食得又玩得外，仲好啱打卡📸
🏮甘栗丸子红豆汤（$48）
红豆汤以日本红豆煮成，内里有烟韧嘅年糕及香甜嘅栗子，另有金箔作点缀；甜绵暖胃嘅红豆汤好啱冬天食，虽然味道偏甜，但与日本食到嘅味道相近😋
🏮Orion Draft Beer（$68）
🏮热柚子柠姜蜜（$42）
柚子柠姜蜜好滋润，而且姜味十足，冬天饮就最啱；另食和牛点少得啤酒，如想开怀畅饮一番可拣2小时饮品放题，价钱都只系约$200，都几抵饮㗎👍🏻
张贴
