牛魔 (已結業)

谂紧食咩好嘅时侯，经过K11，醒起朋友介绍话棉登径有间焼肉好好食，于是就去咗依间朋友推介嘅牛魔食晚饭喇😉😉。牛魔地方都可以话系宽敞舒适，卡位仲有得自己装Suntory啤酒饮，见到有起泡头、可以打出绵滑泡沫㖞🍺🍺。豆腐沙拉配芝麻汁，蔬菜青瓜丝配上豆腐同芝麻酱汁，入口好fresh之余仲好滑捋捋呀😲😲。泡菜豚肉煎饼：煎得好脆边，泡菜味浓，食落唔粉，点埋汁更正👍🏻👍🏻。老饕澳洲M7和牛肉眼扒（厚切）：依块澳州M7和牛肌理细腻、兼且有住雪花似的脂肪。今日刚巧店舖未算好多人，店员可以帮我哋烧。店员帮忙烧当然最好不过啦，佢地经验丰富，换转我自己烧可能烧得过熟浪费哂。入口肉质香甜松软，味道带油香，入口鲜嫩而不韧！超级好食啊😋😋！香葱牛脷：继续由店员代烧，真系好专业，换转系我又系求求放上去烧熟就算😅。牛脷烧得刚刚好，而且带有葱嘅香味，好好食☺️☺️。台湾鳝鱼：店员烧得两次，唔差在帮我烧埋依个鳝鱼啦。碟上面嚿柠檬，原来系俾你先揸落块网度😲😲。鳝鱼烧得好正，底面脆卜卜，咬开鲜嫩，依个不得了呀，我觉得系必点啰🤤🤤。草莓梳打特饮：草莓酱唔系糖酱，饮得出系草莓果酱，加上椰果，虽然Suntory Premium 几吸引